മംഗളൂരു: മലയാളി വിദ്യാര്‍ഥിനി മംഗളൂരുവിലെ ഹോസ്റ്റല്‍ മുറിയില്‍ ജീവനൊടുക്കിയ നിലയില്‍. കണ്ണൂര്‍ അഴിക്കോട് സ്വദേശിനി സാന്ദ്ര (20) യെയാണ് ഹോസ്റ്റല്‍ മുറിയില്‍ തൂങ്ങിമരിച്ച നിലയില്‍ കണ്ടെത്തിയത്.
മംഗളൂരുവിലെ മുള്ളേഴ്‌സ് കോളജില്‍ മൂന്നാം വര്‍ഷ ഫിസിയോതെറാപ്പി വിദ്യാര്‍ഥിനിയായിരുന്നു സാന്ദ്ര. സുഖമില്ലെന്ന് പറഞ്ഞ് ക്ലാസില്‍ നിന്നും പോയ സാന്ദ്രയെ പിന്നീട് മുറിയില്‍ തൂങ്ങി മരിച്ച നിലയില്‍ കണ്ടെത്തുകയായിരുന്നു.
ജീവനൊടുക്കുന്നതിന് മുന്‍പ് സാന്ദ്ര സമൂഹമാധ്യമങ്ങളിലെ അക്കൗണ്ടുകള്‍ ഡീആക്ടിവേറ്റ് ചെയ്തതായി കണ്ടെത്തിയിട്ടുണ്ട്. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചു.
Discussion about this post