മലബാർ കേളപ്പൻ്റെ നിര്യാണം: ബി ജെ പി സംസ്ഥാന അധ്യക്ഷൻ കെ സുരേന്ദ്രൻ അന്തിമോപചാരമർപ്പിച്ചു, സർവകക്ഷി അനുശോചിച്ചു

“ഭാരതീയ ജനതാ പാർട്ടിയുടെ തലമുതിർന്ന നേതാക്കളിൽ ഒരാളായിരുന്നു ശ്രീ കേളപ്പേട്ടൻ. ആദ്യകാലം മുതൽക്ക് തന്നെ ഈ പരിസരത്ത് പ്രത്യേകിച്ചും പയ്യോളി കൊയിലാണ്ടി ഭാഗങ്ങളിൽ ബി ജെ പിക്കും സംഘപരിവാർ, ദേശീയ പ്രസ്ഥാനങ്ങൾക്കും വേരുറപ്പിക്കാനുള്ള കഠിനാധ്വാനം ചെയ്തിട്ടുള്ള നേതാവായിരുന്നു. തികഞ്ഞ ആരോഗ്യവാനും ഊർജ്ജസ്വലമായിരുന്നു അവസാന ദിവസം വരെ. പാർട്ടിയുടെയും സംഘപരിവാറിൻ്റെയും എല്ലാ പ്രവർത്തനങ്ങളിലും വളരെയധികം ഊർജസ്വലമായി പങ്കെടുത്തിരുന്നു. നാട്ടിലെ എല്ലാ സാമൂഹ്യ- സാംസ്കാരിക പ്രവർത്തനങ്ങളിലും അദ്ദേഹത്തിൻറെ സാന്നിധ്യം വളരെ സജീവമായിരുന്നു. ആത്മീയരംഗത്തും നിറഞ്ഞു നിന്നിരുന്ന അദ്ദേഹത്തിൻ്റെ നിര്യാണത്തിൽ അഗാധമായ ദു:ഖം രേഖപ്പെടുത്തുന്നു.”