കൊടുങ്ങല്ലൂർ നിലപാട് തറയിലെ ആൽമരമുത്തശ്ശിയെ താന്ത്രിക വിധികളോടെ സംസ്കരിച്ചു

കൊ​ടു​ങ്ങ​ല്ലൂ​ർ: ചരിത്ര പ്രസിദ്ധമായ കൊ​ടു​ങ്ങ​ല്ലൂ​ർ ശ്രീ​കു​രും​ബ ഭ​ഗ​വ​തി ക്ഷേ​ത്ര​ത്തി​ലെ പൗ​രാ​ണി​ക​വും നൂറ്റാണ്ടുകൾ പഴക്കമുള്ളതുമായ ആൽമരം നീക്കം ചെയ്തു. നി​ല​പാ​ടു​ത​റ​യി​ലെ ദൈ​വി​ക ചൈ​ത​ന്യ​മു​ണ്ടെ​ന്ന് വി​ശ്വ​സി​ക്കു​ന്ന ആ​ൽ​മ​രമാണ് നീ​ക്കം ചെ​യ്തത്. കാ​ല​പ്പ​ഴ​ക്കം കാരണം നിലംപൊത്താനും അ​പ​ക​ടമുണ്ടാവാനും സാധ്യതയുള്ളതിനാലാണ് ആ​ൽ​മ​ര​മു​ത്ത​ശ്ശി​യെ താ​ന്ത്രി​ക​മാ​യ ച​ട​ങ്ങു​ക​ളോ​ടെ വെ​ള്ളി​യാ​ഴ്ച മു​റി​ച്ചു മാ​റ്റി​യ​ത്.
ച​രി​ത്ര പ്ര​സി​ദ്ധ​മാ​യ കൊ​ടു​ങ്ങ​ല്ലൂ​ർ ഭ​ര​ണി​യോ​ട​നു​ബ​ന്ധി​ച്ച് ന​ട​ക്കു​ന്ന കാ​വു​തീ​ണ്ട​ലി​ന് കൊ​ടു​ങ്ങ​ല്ലൂ​ർ വ​ലി​യ ത​മ്പു​രാ​ൻ ഉ​പ​വി​ഷ്ഠ​നാ​കു​ന്ന​തും കോ​യ്മ പ​ട്ടു​കു​ട ഉ​യ​ർ​ത്തു​ന്ന​തും ഈ ​നി​ല​പാ​ടു​ത​റ​യി​ലാ​ണ്. വെ​ള്ളി​യാ​ഴ്ച രാ​വി​ലെ ക്ഷേ​ത്ര​ത്തി​ലെ പ​ന്തീ​ര​ടി പൂ​ജ ക​ഴി​ഞ്ഞ് അ​നു​ജ്ഞ വാ​ങ്ങി കി​ഴ​ക്കെ ന​ട​യി​ലെ നി​ല​പാ​ടു​ത​റ​യി​ലെ ആ​ൽ​മ​ര​ചു​വ​ട്ടി​ൽ വി​ഷ്ണു​ പൂ​ജ നടന്നു. കി​ഴ​ക്കെ ന​ട​യി​ൽ ന​ട​പ്പു​ര​യി​ൽ വെ​ച്ച് ആ​ലി​നെ പ്ര​തീ​കാ​ത്മാ​ക​മാ​യി സം​സ്ക​രി​ച്ചു.
താ​മ​ര​ശ്ശേ​രി മേ​യ്ക്കാ​ട്ട് മ​ന​യി​ൽ ശ്രീ​ജി​ത്ത് ന​മ്പൂ​തി​രി​പ്പാ​ട്, കി​ഴ​ക്കി​നി മേ​യ്ക്കാ​ട്ട് നാ​രാ​യ​ണ​ൻ ന​മ്പൂ​തി​രി​പ്പാ​ട് എ​ന്നി​വ​ർ താ​ന്ത്രി​ക ച​ട​ങ്ങു​ക​ൾ​ക്ക് നേ​തൃ​ത്വം ന​ൽ​കി. കൊ​ച്ചി​ൻ ദേ​വ​സ്വം ബോ​ർ​ഡ് പ്ര​സി​ഡ​ന്‍റ്​ വി ​ന​ന്ദ​കു​മാ​ർ, മെം​ബ​ർ എം ജി നാ​രാ​യ​ൺ, ദേ​വ​സ്വം അ​സി​സ്റ്റ​ന്‍റ്​ ക​മീ​ഷ​ണ​ർ സു​നി​ൽ ക​ർ​ത്ത, ദേ​വ​സ്വം മാ​നേ​ജ​ർ എം ആ​ർ മി​നി എ​ന്നി​വ​ർ പ​ങ്കെ​ടു​ത്തു.