പയ്യോളി: വയോധികനെ വെട്ടിപ്പരിക്കേൽപ്പിച്ചു. അയനിക്കാട് വെസ്റ്റ് യുപി സ്കൂളിന് സമീപം പുത്തൻ മരച്ചാലിൽ കേളപ്പനാണ് (80) വെട്ടേറ്റത്. സംഭവവുമായി ബന്ധപ്പെട്ട് പുത്തൻ മരച്ചാലിൽ കൃഷ്ണനെ (67) (യു കെ ഭട്ട് ) പോലീസ് കസ്റ്റഡിയിലെടുത്തു. ഇന്ന് ഉച്ചയ്ക്ക് ഒരു മണിയോടെയായിരുന്നു സംഭവം.
അനുജനെ, മദ്യപിച്ചെത്തിയ കൃഷ്ണൻ, തെറി പറയുന്നത് കേട്ട് ചോദിക്കാനെത്തിയതായിരുന്നു കേളപ്പൻ. ഇതിനിടെ തിരിച്ച് വീട്ടിലേക്ക് പോയ കൃഷ്ണൻ കൊടുവാളുമായെത്തി വെട്ടുകയായിരുന്നു. ഉടൻ നാട്ടുകാരെത്തി ആശുപത്രിയിൽ പ്രവേശിപ്പിച്ചു. പ്രാഥമിക ചികിത്സകൾക്ക് ശേഷം കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
Discussion about this post