കാസര്‍ഗോഡ്: ദേശീയപാതയിൽ കാസർഗോഡ് നടന്ന വാഹനാപകടത്തില്‍ വിദ്യാര്‍ഥിക്ക് ദാരുണാന്ത്യം. വിദ്യാര്‍ഥി സഞ്ചരിച്ചിരുന്ന ബൈക്കില്‍ കാറിടിച്ചാണ് അപകടം നടന്നത്. മൊഗ്രാല്‍പുത്തൂരിലെ ചായിത്തോടം ഷംസുദീന്‍-ഫൗസിയ ദമ്പതികളുടെ മകന്‍ തന്‍സീറാണ് (17) മരിച്ചത്. ആരിക്കാടിയില്‍ ഇന്നലെ വൈകിട്ട് ഏഴ് മണിയോടെയാണ് അപകടം.
കുമ്പളയില്‍ നിന്ന് സുഹൃത്തിനെ ഉപ്പളയില്‍ കൊണ്ടുവിട്ട് തിരിച്ചു വരുമ്പോഴായിരുന്നു അപകടം. ഉടന്‍ കുമ്പള സഹകരണ ആശുപത്രിയില്‍ പ്രവേശിപ്പിച്ചെങ്കിലും തുടര്‍ ചികില്‍സയ്ക്കായി മംഗളൂരുവിലേക്ക് കൊണ്ടുപോകുന്നതിനിടെയാണ് മരണം സംഭവിച്ചത്. കുമ്പളയിലെ സ്വകാര്യ കോളേജിലെ പ്‌ളസ് വണ്‍ വിദ്യാര്‍ഥിയാണ്.
Discussion about this post