കണ്ണൂര്: സിപിഎം പാര്ട്ടി കോണ്ഗ്രസിന് ഇന്ന് കണ്ണൂരില് തുടക്കമായി. കണ്ണൂര് ബര്ണശേരി ഇ കെ നായനാര് അക്കാദമിയിലെ നായനാര് നഗറില് പൊളിറ്റ്ബ്യൂറോ അംഗം എസ് രാമചന്ദ്രന്പിള്ള പതാക ഉയര്ത്തും. 10ന് ജനറല് സെക്രട്ടറി സീതാറാം യെച്ചൂരി പാര്ട്ടി കോണ്ഗ്രസ് ഉദ്ഘാടനം ചെയ്യും. സിപിഐ ജനറല് സെക്രട്ടറി ഡി രാജ സമ്മേളനത്തെ അഭിവാദ്യം ചെയ്യും.
പാര്ട്ടി കോണ്ഗ്രസിന് ഔദ്യോഗിക തുടക്കം കുറിച്ചുകൊണ്ട് ഇന്നലെ വൈകിട്ട് മുഖ്യമന്ത്രി പിണറായി വിജയന് പതാക ഉയര്ത്തിയിരുന്നു. വൈകിട്ട് നാലിന് രാഷ്ട്രീയപ്രമേയം അവതരിപ്പിക്കും. വ്യാഴം രാവിലെ ഒമ്പതിന് പൊതുചര്ച്ച തുടങ്ങും. വിവിധ സംസ്ഥാനങ്ങളില്നിന്നുള്ള പ്രതിനിധികളും നിരീക്ഷകരും കേന്ദ്ര കമ്മിറ്റി അംഗങ്ങളുമടക്കം 812 പേരാണ് പാര്ട്ടി കോണ്ഗ്രസില് പങ്കെടുക്കുന്നത്. ഇന്നലെ പൊളിറ്റ്ബ്യൂറോ, കേന്ദ്ര കമ്മിറ്റി യോഗങ്ങള് ചേര്ന്ന് പാര്ട്ടി കോണ്ഗ്രസിലെ നടപടിക്രമങ്ങള് അംഗീകരിച്ചിരുന്നു.
പിബി അംഗങ്ങളും,പ്രതിനിധികളും, കേന്ദ്ര കമ്മിറ്റി അംഗങ്ങളും,നിരീക്ഷകരും ഉള്പ്പെടെ 812 പേരാണ് സമ്മേളനത്തില് പങ്കെടുക്കുക. അഞ്ച് നാള് നീളുന്ന പാര്ട്ടി കോണ്ഗ്രസിന്റെ സമാപന സമ്മേളനം 10ാം തിയതി ജവഹര് സ്റ്റേഡിയത്തില് നടക്കും
Discussion about this post