കെ റെയിൽ കൊണ്ട് ആർക്കാണ് ഗുണമെന്ന് ശാസ്ത്രസാഹിത്യ പരിഷത്തുകാരെയെങ്കിലും പിണറായി ബോധ്യപ്പെടുത്തണം: സന്ദീപ് ജി വാര്യർ

പയ്യോളി: ഒരുകാരണവശാലും കേരളത്തിന്‌ ആവശ്യമില്ലാത്ത കെ റെയിൽ പദ്ധതി നടപ്പാക്കാൻ ബിജെപി അനുവദിക്കില്ലെന്നും, ജനങ്ങളെ കുടിയൊഴിപ്പിച്ചു കൊണ്ട്, കേരളത്തെ രണ്ടായി വിഭജിക്കുന്ന ഈ പദ്ധതി ലോകം കണ്ട ഏറ്റവും വലിയ അഴിമതി നടത്താനാണെന്നും സന്ദീപ് വാര്യർ.

കേരളത്തിൽ കെ. റെയിലുമായി ബന്ധപ്പെട്ട് എന്തു ഗുണമാണുണ്ടാവുകയെന്ന് സാമാന്യ ജനങ്ങളെ ബോധ്യപ്പെടുത്താൻ ഇന്നേ വരെ, പിണറായി വിജയനെന്ന മുഖ്യമന്ത്രിക്ക് സാധിച്ചോ. ബി ജെ പി യേയോ മറ്റേതെങ്കിലും രാഷ്ട്രീയ പാർട്ടികളെയോ ബോധിപ്പിക്കേണ്ട,

ക്രിപ്റ്റോ സി പി എമ്മുകാരായി അഭിനയിച്ചു വരുന്ന, നാളിതുവരെ സി പി എമ്മിൻ്റെ റിക്രൂട്ട്മെൻ്റ് ഏജൻസിയായി പ്രവർത്തിച്ചു വരുന്ന ശാസ്ത്രസാഹിത്യ പരിഷത്തുകാരെെയെങ്കിലും ബോധ്യപ്പെടുത്താൻ പിണറായിക്ക് കഴിയുമോ.. പറ്റില്ല എന്ന് തന്നെയാണുത്തരമെന്ന് സന്ദീപ് വാര്യർ പറഞ്ഞു.

ബിജെപി ജില്ലാ പ്രസിഡണ്ട് അഡ്വ. വി കെ സജീവൻ നയിക്കുകുന്ന കെ.റെയിൽ വിരുദ്ധ പദയാത്രയുടെ സമാപന സമ്മേളനം പയ്യോളിയിൽ ഉദ്ഘാടനം ചെയ്ത് സംസാരിക്കുകയായിരുന്നു ബിജെപി സംസ്ഥാന വക്താവ് സന്ദീദീപ് ജി വാര്യർ.

ജാഥാ ക്യാപ്റ്റൻ വി കെ സജീവനെ വിവിധ കമ്മിറ്റികൾക്ക് വേണ്ടി ഹാരാർപ്പണം നടത്തി. സമ്മേളനത്തിൽ പയ്യോളി മണ്ഡലം പ്രസിഡണ്ട് എ കെ ബൈജു അധ്യക്ഷത വഹിച്ചു.

സംസ്ഥാന സെക്രട്ടറി ശ്രീകാന്ത്, ജില്ല ജനറൽ സെക്രട്ടറി മോഹനൻ, പ്രശാന്ത്, കെ പി വിജയലക്ഷ്മി, ഗിരീഷ് തേവള്ളി, വി സ്മിത ലക്ഷ്മി പ്രസംഗിച്ചു. കെ സി രാജീവൻ സ്വാഗതവും, സുനിൽ മൂടാടി നന്ദിയും പറഞ്ഞു.

നേരത്തേ, കെ റെയിൽ വിരുദ്ധ പദയാത്ര നന്തിയിൽ ഉദ്ഘാടനം ചെയ്തു. ബിജെപി സംസ്ഥാന വൈസ് പ്രസിഡന്റ് വി വി രാജൻ പദയാത്ര ഉദ്ഘാടനം ചെയ്തു. സ്ത്രീകളടക്കം വൻ ജനാവലി ആവേശോജ്ജ്വലമായ പദയാത്രയിൽ അണിനിരന്നു.