ഇരിങ്ങൽ പെരിങ്ങാട് കുട്ടിച്ചാത്തൻ ഭഗവതി ക്ഷേത്രം: വെള്ളാട്ട് മഹോത്സവം കൊടിയേറി

പയ്യോളി: ഇരിങ്ങൽ പെരിങ്ങാട് ശ്രീ കുട്ടിച്ചാത്തൻ ഭഗവതി ക്ഷേത്രത്തിലെ വെള്ളാട്ട് മഹോത്സവത്തിന് കൊടിയേറി. ഇന്ന് രാവിലെ ഗണപതി ഹോമത്തോടെ ആരംഭിച്ച വിശേഷാൽ ഉത്സവ ചടങ്ങുകൾക്ക് ശേഷം ഉച്ചക്ക് 12 മുതൽ 2 വരെ അന്നദാനം നടക്കും.

വൈകിട്ട് 4 ന് കോട്ടക്കുന്ന് പാച്ചാക്കൽ നിവാസികളുടെ ഇളനീർ വരവ്, 5. 30 ന് ദീപാരാധന, 8 ന് കുട്ടിച്ചാത്തൻ വെള്ളാട്ട്, കരിമരുന്ന് പ്രയോഗം, തുടർന്ന്, വിവിധ ദേശങ്ങളിൽനിന്നുള്ള പൂക്കലശം വരവുകൾ, ഗുളികൻ വെള്ളാട്ട്, ഗുരു കാരണവർ വെള്ളാട്ട്, ഭഗവതി വെള്ളാട്ട്, കരിമരുന്ന്പ്രയോഗം, ഗുരുതി, ഇളനീർ അഭിഷേകം എന്നീ ചടങ്ങുകൾക്ക് ശേഷം നട അടയ്ക്കുന്നതോടെ ഉത്സവം സമാപിക്കും.