‘അത്യാവശ്യമല്ലെങ്കില്‍’ പൗ​ര​ൻ​മാ​രോ​ട് യു​ക്രെ​യ്ൻ വി​ട​ണ​മെ​ന്ന് ഇ​ന്ത്യ

ന്യൂ​ഡ​ൽ​ഹി: കിഴക്കന്‍ യൂറോപ്യന്‍ രാജ്യത്ത് താമസിക്കുന്നത് ‘അത്യാവശ്യമല്ലെങ്കില്‍’ യുക്രൈനില്‍ താമസിക്കുന്ന വിദ്യാര്‍ത്ഥികള്‍ ഉള്‍പ്പെടെയുള്ള പൗരന്മാരോട് മടങ്ങിവരാന്‍ ഇന്ത്യ ആവശ്യപ്പെട്ടു. റ​ഷ്യ-​യു​ക്രെ​യ്ൻ സം​ഘ​ർ​ഷ സാ​ഹ​ച​ര്യ​ത്തി​ലാണ് യു​ക്രെ​യ്ൻ വി​ട​ണ​മെ​ന്ന് ഇ​ന്ത്യ ആവശ്യപ്പെട്ടത്. ഇ​ന്ത്യ​ൻ എം​ബ​സി ജീ​വ​ന​ക്കാ​രോ​ടും മ​ട​ങ്ങാ​ൻ വി​ദേ​ശ​കാ​ര്യ​മ​ന്ത്രാ​ല​യം നി​ർ​ദേ​ശം ന​ൽ​കി.

റ​ഷ്യ​യു​ടെ ഭാ​ഗ​ത്തു​നി​ന്നും പ്ര​കോ​പ​ന​ങ്ങ​ൾ ഉ​ണ്ടാ​കു​ന്ന പ​ശ്ചാ​ത്ത​ല​ത്തി​ൽ യു​ക്രെ​യ്ൻ വി​ടാ​ൻ ചാ​ർ​ട്ട​ർ വി​മാ​ന​ങ്ങ​ളോ മ​റ്റു വി​മാ​ന​ങ്ങ​ളോ നോ​ക്ക​ണ​മെ​ന്ന് യു​ക്രെ​യ്നി​ലെ ഇ​ന്ത്യ​ൻ എം​ബ​സി അ​റി​യി​ച്ചു.

ചാ​ർ​ട്ട​ർ വി​മാ​ന​ങ്ങ​ളു​ടെ വി​വ​ര​ങ്ങ​ൾ​ക്കാ​യി വി​ദ്യാ​ർ​ഥി​ക​ളോ​ട് എം​ബ​സി​യു​ടെ ഫേ​സ്ബു​ക്കോ, ട്വി​റ്റ​റോ നോ​ക്ക​ണ​മെ​ന്നും എം​ബ​സി അ​റി​യി​ച്ചു. വി​വ​ര​ങ്ങ​ൾ​ക്കും സ​ഹാ​യ​ങ്ങ​ൾ​ക്കു​മാ​യി ഇ​ന്ത്യ​ക്കാ​ർ​ക്ക് വി​ദേ​ശ​കാ​ര്യ​മ​ന്ത്രാ​ല​യ​വു​മാ​യോ അ​ല്ലെ​ങ്കി​ൽ ക​ണ്‍​ട്രോ​ൾ റൂ​മു​മാ​യോ ബ​ന്ധ​പ്പെ​ടാം.

യു​ക്രെ​യ്നി​ലെ ഇ​ന്ത്യ​ൻ എം​ബ​സി​ൽ 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന ഹെ​ൽ​പ്പ്‌ലൈനും ഉ​ണ്ട്. ഈ ​മാ​സം 22, 24, 26 തീ​യ​തി​ക​ളി​ലാ​യി യു​ക്രെ​യ്നി​ൽ​നി​ന്നും പ്ര​ത്യേ​ക വി​മാ​ന​ങ്ങ​ൾ വ​ന്ദേ ഭാ​ര​ത് മി​ഷ​ന്‍റെ ഭാ​ഗ​മാ​യി സ​ജ്ജീ​ക​രി​ച്ചി​ട്ടുണ്ട്.