ഈ കാര്യങ്ങൾ ഗൂഗിളിൽ തപ്പിയാൽ പൊലീസ് നിങ്ങളെ തേടിയെത്തും

ഞൊടിയിടയിൽ നമുക്ക് ആവശ്യമുള്ള എന്ത് വിവരങ്ങളും കൈമാറുന്ന ജനപ്രിയ സെർച്ച് എഞ്ചിനാണ് ഗൂഗിൾ. എന്നാൽ ചില വിവരങ്ങൾ ഗൂഗിളിൽ തെരഞ്ഞാൽ കാത്തിരിക്കുന്നത് ഗുരുതര പ്രശ്നങ്ങളാണ്.

ഇന്നത്തെ ദിവസം ഏതാണ്? ഈ ദിവസത്തെ കാലാവസ്ഥ പ്രവചിക്കുമോ? ബിരിയാണി തയ്യാറാക്കുന്നത് എങ്ങനെയാണ്…,സ്മാർട്ട് ഫോൺ ഇന്റർനെറ്റ് എന്നിവയുടെ ഉപയോഗം സജീവമായ ഈ കാലത്ത് ഇത്തരത്തിലുള്ള എന്ത് ചെറുതും വലുതുമായ കാര്യങ്ങളിൽ നിന്ന് പോലും ഞൊടിയിടിൽ വിവരം ശേഖരിക്കാൻ പലരും ഉപയോഗിക്കുന്ന ഒരു സെർച്ച് എഞ്ചിനാണ് ഗൂഗിൾ. ഇതിന് വേണ്ടി നമ്മൾ അധികം കഷ്ടപ്പെടേണ്ട ആവശ്യമൊന്നും തന്നെയില്ല. നമ്മുടെ കൈവശമുള്ള മൊബൈൽ ഫോണിലോ, ലാപ്ടോപിലോ, പിസിയിലോ ഗൂഗിൾ ഓപ്പൺ ചെയ്ത ശേഷം അതിലേക്ക് നമുക്ക് എന്തിനെ കുറിച്ചുള്ള വിവരമാണോ വേണ്ടത് അത് സെർച്ച് ബോക്സിൽ ടൈപ്പ് ചെയ്യുക.

അല്ലെങ്കിൽ സെർച്ച് ബോക്സിനോട് ചേർന്നുള്ള മൈക്രോഫോൺ തെരഞ്ഞെടുത്ത് വേണ്ട വിവരങ്ങളെ കുറിച്ച് ചോദിക്കൂ. കണ്ണടച്ച് തുറക്കും മുൻപ് തന്നെ നമുക്ക് ആവശ്യമുള്ള വിവരങ്ങൾ നമ്മുടെ സ്ക്രീനിൽ തെളിയും. എന്നാൽ ചില കാര്യങ്ങൾ ഗൂഗിളിൽ തെരയുന്നത് അത്ര നല്ലതല്ല. അവ നിങ്ങളെ അഴിയെണ്ണിക്കാനും സാധ്യതയുണ്ട്. ഗൂഗിളിൽ തിരഞ്ഞാൽ പൊലീസ് തേടിയെത്തുന്ന ചില കാര്യങ്ങൾ ഏതെന്ന് നോക്കാം

ചൈൽഡ് പോണോഗ്രാഫി (Child Pornography): കുട്ടികളുടെ അശ്ലീലചിത്രങ്ങളും കുട്ടികളെ ലൈംഗികമായി ദുരുപയോഗം ചെയ്യുന്ന വീഡിയോകളേയും കുറിച്ച് സെർച്ച് ചെയ്യുന്നത്  നിയമപരമായി കുറ്റമാണ്. ഇത് ഗൂഗിൾ ഉൾപ്പടെയുള്ള സെർച്ച് എഞ്ചിനുകളിൽ തെരഞ്ഞാൽ നിങ്ങൾ ഉറപ്പായും നിയമനടപടിക്ക് വിധേയനാകേണ്ടി വരും.

സ്ഫോടക വസ്തുക്കൾ എങ്ങനെ നിർമ്മിക്കാം (How to make a bomb? How to make a pressure cooker bomb?): പലപ്പോഴും തമാശരൂപേണ ഇത്തരം കാര്യങ്ങൽ തെരയുന്നതിനെ കുറിച്ച് പലരും സംസാരിക്കാറുണ്ട്. എന്നാൽ ഇങ്ങനെയുള്ള വിഷയങ്ങൾ ഗൂഗിളിനോട് ചോദിക്കുന്നത് വളരെ ഗുരുതരമായ ഒരു കുറ്റമാണ്. രാജ്യ സുരക്ഷ ഉൾപ്പടെയുള്ള വിഷയങ്ങളുമായി ബന്ധമുള്ളതിനാൽ ഇങ്ങനെ തെരയുന്നത് പരിശോധനകളിൽ കണ്ടെത്തിയാൽ പൊലീസ് അറസ്റ്റ് ഉൾപ്പടെയുണ്ടാകാനാണ് സാധ്യത

കുറ്റകൃത്യങ്ങളുമായി ബന്ധപ്പെട്ട ചോദ്യങ്ങൾ (kidnapping and narcotics etc..); തട്ടിക്കൊണ്ടുപോകൽ, മയക്കുമരുന്നുകൾ ഉൾപ്പടെയുള്ള വിവരങ്ങൾ തെരയുന്നതും അപകടം ക്ഷണിച്ചുവരുത്തുന്ന ഒന്നാണ്.

ഗർഭച്ഛിദ്രവുമായി ബന്ധപ്പെട്ട ചോദ്യങ്ങൾ (Abortion Related questions): പതിവായി തിരയുന്നതും ഗർഭച്ഛിദ്രവുമായി ബന്ധപ്പെട്ട വിഷയങ്ങൾ തെരയുന്നത് ഗുരുതര പ്രശ്നമാണ്. മെഡിക്കൽ അബോഷൻ സംബന്ധിച്ച് രാജ്യത്ത് കർശനമായ നിയമങ്ങൾ നിലവിലുണ്ട്.