കോഴിക്കോട്: കരിപ്പൂർ എയർപോർട്ടിൽ കസ്റ്റംസിനെ വെട്ടിച്ച് കടത്തിയ സ്വർണം വീണ്ടും പൊലീസ് പിടികൂടി. ഒരു കിലോ സ്വർണമാണ് പിടിച്ചെടുത്തത്. ദുബായിൽ നിന്ന് കടത്തിയ സ്വർണമാണ് പിടികൂടിയത്.
സാദിഖ് എന്നയാളാണ് സ്വർണം കടത്തിയത്. സാദിഖ്, ഇയാളെ വിമാനത്താവളത്തിൽ സ്വീകരിക്കാനെത്തിയ ഷംസീർ, ആഷിഖ് എന്നിവരുമാണ് പൊലീസ് പിടിയിലായത്.
കരിപ്പൂർ വിമാനത്താവളത്തിന് പുറത്ത് കഴിഞ്ഞ ദിവസവും സമാന രീതിയിലുള്ള സംഭവമുണ്ടായിരുന്നു. ദുബായിൽ നിന്ന് ശരീരത്തിൽ ഒളിപ്പിച്ച് കടത്തിയ സ്വർണ മിശ്രിതമാണ് പൊലീസ് പിടികൂടിയത്. സംഭവത്തിൽ മൂന്ന് പേരെ അറസ്റ്റ് ചെയ്തിരുന്നു.
ദുബായിൽ നിന്നെത്തിയ യാത്രക്കാരനും സ്വർണം വാങ്ങാനെത്തിയ രണ്ടുപേരുമാണ് വ്യാഴാഴ്ച പിടിയിലായത്. കസ്റ്റംസ് പരിശോധന കഴിഞ്ഞ് പുറത്തേക്കിറങ്ങിയപ്പോൾ പൊലീസാണ് ഇവരെ അറസ്റ്റ് ചെയ്തത്
Discussion about this post