പയ്യോളി: വിവിധ ആവശ്യങ്ങളുന്നയിച്ച് കേരള എയിഡഡ് പ്രീ പ്രൈമറി ടീച്ചേഴ്സ് കൂട്ടായ്മയുടെ നേതൃത്വത്തിൽ മേലടി ഉപജില്ല എ ഇ ഒ ഓഫീസിന് മുന്നിൽ ധർണ നടത്തി.
2012 ന് മുമ്പേയുള്ള അധ്യാപകർക്ക്, സർക്കാർ സ്കൂളുകളിൽ പി ടി എ നിയമിച്ച അധ്യാപകർക്ക് നൽകുന്ന ഓണറേറിയവും മറ്റാനുകൂല്യങ്ങളും അനുവദിക്കുക, 2012 ന് ശേഷം പ്രീ പ്രൈമറി സ്കൂൾ തുടങ്ങരുതെന്ന ഉത്തരവ് പിൻവലിക്കുക, എല്ലാ പ്രീ പ്രൈമറി സ്കൂളുകളിലും ഉച്ചഭക്ഷണം അനുവദിക്കുക, തുല്യ ജോലിക്ക് തുല്യവേതനം നൽകുക തുടങ്ങിയ ആവശ്യങ്ങളുന്നയിച്ചാണ് എ ഇ ഒ ഓഫീസ് ധർണ സംഘടിപ്പിച്ചത്.
ധർണ പയ്യോളി നഗരസഭ ചെയർമാൻ ഷഫീഖ് വടക്കയിൽ ഉദ്ഘാടനം ചെയ്തു.
പി കെ രജിഷ അധ്യക്ഷത വഹിച്ചു. സജീവൻ കുഞ്ഞോത്ത്, രാമചന്ദ്രൻ കുയ്യണ്ടി, പി വനജ, സി പി അനിത, സി ശാലിനി എന്നിവർ പ്രസംഗിച്ചു.
Discussion about this post