ന്യൂഡല്ഹി: കൊവിഡ് മരണ സംഖ്യ അഞ്ച് ലക്ഷം പിന്നിടുന്ന മൂന്നാമത്തെ രാജ്യമാവുകയാണ് ഇന്ത്യ. അമേരിക്കയിലും ബ്രസീലിലുമാണ് ഇന്ത്യക്ക് മുന്പ് കൊവിഡ് മരണ സംഖ്യ അഞ്ചു ലക്ഷം കടന്നത്.
കഴിഞ്ഞ വര്ഷം ജൂലായ് ഒന്നിന് ഇന്ത്യയിലെ മരണസംഖ്യ നാല് ലക്ഷമായിരുന്നു. 217 ദിവസംകൊണ്ടാണ് ഒരു ലക്ഷം പേര്ക്കുകൂടി ജീവന് നഷ്ടമായത്. വെള്ളിയാഴ്ചത്തെ കണക്ക് പ്രകാരം കൊവിഡ് മരണ സംഖ്യ 1072 ആയിരുന്നു. കേരളത്തിലാണ് കൂടുതല് മരണങ്ങള്, 595 മരണം. ഇതോടെ രാജ്യത്ത് കൊവിഡ് മൂലം ജീവന് നഷ്ടപ്പെട്ടവരുടെ എണ്ണം 5,00,055 ആയി.
ആഗോളതലത്തില് അമെരിക്കയിലാണ് ഏറ്റവും കൂടുതല് മരണങ്ങള് റിപ്പോര്ട്ട് ചെയ്തിരിക്കുന്നത്. അമെരിക്കയില് 9.2 ലക്ഷം പേരുടെ ജീവന് കൊവിഡ് എടുത്തു. ബ്രസീലില് കൊവിഡിനെ തുടര്ന്ന് മരിച്ചത് 6.3 ലക്ഷം പേരാണ്.
Discussion about this post