തിരുവനന്തപുരം: മുഖ്യമന്ത്രി പിണറായി വിജയനെതിരെ വിമർശനാത്മകമായ വാട്സാപ്പ് പോസ്റ്റിട്ടതിന്റെ പേരിൽ സെക്രട്ടേറിയറ്റ് ജീവനക്കാരനെ സസ്പെന്ഡ് ചെയ്തു. പൊതുഭരണ വകുപ്പിലെ ഓഫീസ് അറ്റന്ഡന്റ് മണിക്കുട്ടനെയാണ് സസ്പെന്ഡ് ചെയ്തത്. സെക്രട്ടേറിയറ്റിലെ ഓഫീസ് അറ്റന്ഡര്മാരുടെ വാട്സാപ്പ് ഗ്രൂപ്പിലിട്ട പോസ്റ്റാണ് നടപടിക്ക് കാരണം.
കൊലപാതക രാഷ്ട്രീയത്തെ വിമര്ശിക്കുന്ന തരത്തിലുള്ള പോസ്റ്റ് മണിക്കുട്ടന് വാട്സാപ്പ് ഗ്രൂപ്പിലേക്ക് ഷെയര് ചെയ്തതാണ് കാരണമായത്. ഇതിനെതിരെ പരാതിയുയര്ന്ന സാഹചര്യത്തിലാണ് നടപടി. മണിക്കുട്ടനെ അന്വേഷണ വിധേയമായി സസ്പെന്ഡ് ചെയ്തു. പ്രിന്സിപ്പല് സെക്രട്ടറി കെ ആര് ജ്യോതിലാലാണ് ഉത്തരവിറക്കിയത്.
Discussion about this post