കോഴിക്കോട്: ചിൽഡ്രൻസ് ഹോമിൽ നിന്നും പെൺകുട്ടികളെ കാണാതായ സംഭവത്തിൽ അന്വേഷണം ഗോവയിലേക്ക്. പെൺകുട്ടികളെ ഗോവയിലേക്ക് കടത്താനാണ് ശ്രമിച്ചതെന്ന് അസിസ്റ്റന്റ് കമ്മീഷനർ കെ സുദർശനൻ പറയുന്നു. കുട്ടികൾക്ക് കേരളം വിടാനുള്ള പണം ഗൂഗിൾ പേ വഴി നൽകിയതായും കണ്ടെത്തിയിട്ടുണ്ട്. കേസിൽ ലഹരി മാഫിയകളുടെ പങ്കുൾപ്പടെയുള്ള കാര്യങ്ങളെക്കുറിച്ച് അന്വേഷണം നടക്കേണ്ടി ഇരിക്കുന്നുവെന്നും അദ്ദേഹം അറിയിച്ചു.
കാണാതായ 6 പേരിൽ 3 പേരെ ഇതിനകം കണ്ടെത്തി കഴിഞ്ഞു. കാണാതായ പതിനാറുകാരിയായ ഒരു പെൺകുട്ടിയെ ഇന്നലെ ബംഗളൂരുവിൽ വച്ചാണ് പൊലീസ് കണ്ടെത്തിയത്. ഇനി നാല് കുട്ടികളെ കുടി കിട്ടാനുണ്ട്. കുട്ടികൾ കടന്ന സംഭവത്തിൽ പൊലീസിന് കൂടുതൽ സൂചനകൾ ലഭിച്ചിട്ടുണ്ട്. പെൺകുട്ടികളെ കൊണ്ടുപോയതിന് പിന്നിൽ വലിയ സംഘമാണെയെന്നാണ് പൊലീസ് സംശയിക്കുന്നത്.
ഇന്നലെയാണ് കോഴിക്കോട് വെള്ളിമാടുകുന്നുള്ള ചില്ഡ്രന്ല് ഹോമില് നിന്ന് 6 പെണ്കുട്ടികള് രക്ഷപെട്ടത്. ബംഗളൂരുവിൽ നിന്ന് തന്നെയാണ് ആദ്യത്തെ പെൺകുട്ടിയേയും പൊലീസ് കണ്ടെത്തിയത്. കണ്ടെത്തിയ മറ്റ് അഞ്ച് പേര് ഓടിരക്ഷപെട്ടിരുന്നു. കുട്ടികള് ട്രെയിന് മാര്ഗം ബംഗളൂരുവില് എത്തുകയായിരുന്നെന്നാണ് പൊലീസ് പറയുന്നത്. തുടര്ന്ന് മടിവാളയില് എത്തിയ കുട്ടികള് മലയാളികള് നടത്തുന്ന ഒരു ഹോട്ടലില് മുറിയെടുക്കാന് ശ്രമിച്ചു.
സംശയം തോന്നിയ ജീവനക്കാര് കുട്ടികളോട് തിരിച്ചറിയല് കാര്ഡ് അടക്കമുള്ള രേഖകള് ആവശ്യപ്പെട്ടുകയും രേഖകളില്ലാത്തതിനെ തുടര്ന്ന് രക്ഷപെടാന് ശ്രമിച്ച ഇവരെ ഹോട്ടല് ജീവനക്കാര് തടയുകയും പൊലീസില് വിവരമറിയിക്കുകയുമായിരുന്നു. ഇവരില് ഒരാളെ പിടികൂടി പൊലീസില് ഏല്പ്പിച്ചെങ്കിലും മറ്റ് അഞ്ച് കുട്ടികളും ഓടിരക്ഷപെട്ടു. പെണ്കുട്ടികള്ക്ക് ബംഗളൂരുവില് എത്താന് മറ്റാരുടെയോ സഹായം ലഭിച്ചിട്ടുണ്ടെന്നാണ് പൊലീസ് നിഗമനം.
Discussion about this post