ചെരണ്ടത്തൂർ സ്ഫോടനം: യുവാവിൻ്റെ കൈപ്പത്തി മുറിച്ചുമാറ്റി; മൊഴിയെടുക്കാനാകാതെ പോലീസ്

വ​ട​ക​ര: ചെ​ര​ണ്ട​ത്തൂ​രി​ലെ മൂഴിക്കലിൽ വീ​ടി​നു​മു​ക​ളിൽ നടന്ന സ്ഫോ​ട​ന​ത്തി​ൽ ഗുരുതര പരിക്കേറ്റ യു​വാ​വി​ന്റെ കൈ​പ്പ​ത്തി മു​റി​ച്ചു​മാ​റ്റി. മൂ​ഴി​ക്ക​ൽ മീ​ത്ത​ൽ ഹ​രി​പ്ര​സാ​ദി​ൻ്റെ കൈപ്പത്തിയാണ് മുറിച്ചു മാറ്റിയത്. സ്ഫോ​ട​ന​ത്തി​ൽ ചി​ത​റി​യ വ​ല​തു കൈ​പ്പ​ത്തി​യാ​ണ് മു​റി​ച്ചു​മാ​റ്റി​യ​ത്. ഇ​ട​ത് കൈ​പ്പ​ത്തി​യു​ടെ മൂ​ന്നു വി​ര​ലു​ക​ളും ന​ഷ്ട​മാ​യി​ട്ടു​ണ്ട്.

എം എം സി ആ​ശു​പ​ത്രിയിൽ തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ക​ഴി​യു​ന്ന ഇ​യാ​ളു​ടെ മൊ​ഴി​യെ​ടു​ക്കാ​ൻ വ​ട​ക​ര സി​ഐ കെ കെ ബി​ജു, എ​സ്​ ഐ എം ​നി​ജീഷ് എ​ന്നി​വ​രു​ടെ നേ​തൃ​ത്വ​ത്തി​ൽ ശ​നി​യാ​ഴ്ച പോലീസ് ആ​ശു​പ​ത്രി​യി​ൽ എ​ത്തി​യിരുന്നുവെങ്കി​ലും ആ​രോ​ഗ്യ​സ്ഥി​തി മെ​ച്ച​പ്പെ​ടാ​ത്ത​തി​നാ​ൽ തിരിച്ചു പോരേണ്ടി വന്നു.

ഇ​യാ​ളെ ചോ​ദ്യം​ ചെ​യ്താ​ലേ കൂ​ടു​ത​ൽ വി​വ​ര​ങ്ങ​ൾ പു​റ​ത്തു​വ​രൂ​വെ​ന്നാ​ണ് പൊ​ലീ​സ് പ​റ​യു​ന്ന​ത്. ബോം​ബ് നി​ർ​മാ​ണ​ത്തി​നി​ടെ​യാ​ണ് സ്‌​ഫോ​ട​നം ന​ട​ന്ന​തെ​ന്ന നി​ഗ​മ​ന​ത്തി​ലാ​ണ് പൊ​ലീ​സ്. അ​ടു​ത്ത ദി​വ​സം മൊ​ഴി​യെ​ടു​ക്കാ​ൻ ക​ഴി​യു​മെ​ന്നാ​ണ് പൊ​ലീ​സി​ന്റ പ്ര​തീ​ക്ഷ.