തിരുവനന്തപുരം: ചാർജ് വർദ്ധനയുമായി ബന്ധപ്പെട്ട് ബസ് ഉടമകളുടേത് അനാവശ്യ സമരമെന്ന് ഗതാഗത മന്ത്രി ആന്റണി രാജു. സമരം ചെയ്താലും ഇല്ലെങ്കിലും ബസ് ചാർജ് കൂട്ടുമെന്ന് അദ്ദേഹം പറഞ്ഞു. കെ എസ് ആർ ടി സി അധിക സർവീസ് നടത്തുന്നുണ്ടെന്നും മന്ത്രി അറിയിച്ചു.
അതേ സമയം, കെ എസ് ആർ ടി സി അധിക സർവീസുകൾ നടത്തുന്നുണ്ടെന്ന് ഗതാഗത മന്ത്രി പറയുന്നുണ്ടെങ്കിലും, പല ജില്ലകളിലും അധിക സർവീസുകൾ നടത്തുന്നില്ലെന്നാണ് പുറത്തുവരുന്ന റിപ്പോർട്ടുകൾ. ജീവനക്കാരും ബസുകളും ഇല്ലെന്നാണ് അധികൃതർ പറയുന്നത്.
കെ എസ് ആർ ടി സി അധിക സർവീസുകൾ നടത്താത്ത ജില്ലകളിൽ യാത്രക്കാർ വലയുകയാണ്. ഇന്നലെ അർദ്ധരാത്രിയാണ് സംസ്ഥാനത്ത് സ്വകാര്യ ബസുകളുടെ അനിശ്ചിതകാല സമരം തുടങ്ങിയത്. ഇന്ധനവില കുത്തനെ ഉയരുകയും ടിക്കറ്റ് നിരക്ക് മാറ്റമില്ലാതെ തുടരുകയും ചെയ്യുന്നതിൽ പ്രതിഷേധിച്ചാണ് ബസുടമകളുടെ വിവിധ സംഘടനകളുടെ സംയുക്ത സമരസമിതി പണിമുടക്ക് പ്രഖ്യാപിച്ചത്.
Discussion about this post