വടകര കോട്ടക്കടവിൽ ലോറിയിടിച്ച് ബൈക്ക് യാത്രികർക്ക് പരിക്ക്; അപകടത്തെ തുടർന്ന് നിർത്താതെ പോയ ലോറിയെ പിന്തുടർന്ന് പിടിച്ചു

വടകര: ദേശീയപാതയിൽ കോട്ടക്കടവിൽ ലോറിയിടിച്ച് ബൈക്ക് യാത്രികർക്ക് പരിക്ക്. കോഴിക്കോട് മാങ്കാവ് പൊക്കുന്ന് സ്വദേശികളായ നാദിൽ, ഷാലു എന്നിവർക്കാണ് പരിക്കേറ്റത്.

ഇവരെ ആശുപത്രിയിൽ പ്രവേശിപ്പിച്ചു. ഇന്ന് [ഞായറാഴ്ച] രാത്രി 8.45 ഓടെയാണ് അപകടം. അപകടത്തെ തുടർന്ന് നിർത്താതെ പോയ മിനി ലോറിയെ പോലീസും മറ്റു വാഹനങ്ങളും പിന്തുടർന്ന് പിടിക്കുകയായിരുന്നു.ഇരു വാഹനങ്ങളും കോഴിക്കോട് ഭാഗത്തേക്ക് പോവുകയായിരുന്നു. ബൈക്കിന് പിന്നിൽ ലോറിയിടിക്കുകയായിരുന്നു. വടകരയിൽ ഇന്റർലോക്ക് ജോലി ചെയ്യുന്നവരാണ് അപകടത്തിൽ പെട്ടത്.