ഭൂതകാലം: കൗതുകമുണർത്തുന്ന ഒരു ഹൊറർ കഥ

വിനുവും അവന്റെ അമ്മയും വിഷാദവും ഉത്കണ്ഠയും അനുഭവിക്കുന്നവരാണ്. ഇരുവർക്കുമിടയിലെ ബന്ധത്തിൽ ഇപ്പോൾ വല്ലാതെ വിള്ളലുകൾ വന്നിരിക്കുന്നു. വിനുവിന്റെ അമ്മൂമ്മ മരിച്ചതോടെയാണ് കാര്യങ്ങൾ കൂടുതൽ വഷളായത്.
പ്രേതബാധ ഇന്നും ഒരു സൈക്കോളജിക്കൽ ത്രില്ലറിന്റെ ഏറ്റവും അടിസ്ഥാനപരവും ആകർഷകവുമായ വശമാണ് . രണ്ട് കഥാപാത്രങ്ങൾ മനശാസ്ത്രപരവും അല്ലാതെയുമായി അഭിമുഖീകരിക്കുന്ന ഒരുപിടി പ്രശ്‌നങ്ങളുടെ ചുരുളഴിക്കുകയാണ് സംവിധായകനായ രാഹുൽ സദാശിവൻ, ഭൂതകാലം എന്ന ചിത്രത്തിലൂടെ .

തൊഴിൽ അന്വേഷിയായ ഡി ഫാം ബിരുദധാരിയായ വിനു തന്റെ അമ്മയ്ക്കും മുത്തശ്ശിക്കും ഒപ്പം ഒരു വാടക വീട്ടിലാണ് താമസിക്കുന്നത്. ഇരുവരും വിവിധ രോഗങ്ങളാൽ ബുദ്ധിമുട്ടുന്നവരാണ്. മുത്തശ്ശിയുടെ മരണം, ഇതിനകം അസ്വസ്ഥരായ അമ്മ-മകൻ ബന്ധത്തെ കൂടുതൽ വഷളാക്കുന്നു. ഇത് കാരണം ഇരുവരും വിഷാദത്തിലേക്ക് വഴുതി വീഴുന്നു. കാര്യങ്ങൾ കൂടുതൽ വഷളായി. അവർ താമസിക്കുന്ന വീട്ടിലെ കാര്യങ്ങൾ കൂടുതൽ സങ്കീർണ്ണതയിലേക്ക് പോകാൻ തുടങ്ങുന്നു.

സ്വയം ചലിക്കുന്ന ഫർണിച്ചറുകൾ, കരച്ചിലുകൾ, ശബ്ദങ്ങൾ, ഭയാനകതയുടെയും ഭ്രാന്തിന്റെയും കഥകൾ കൈമാറുന്ന ഘടകങ്ങൾ, ഇരുണ്ട മുറികൾ എന്നിവയിൽ നിന്നും ആഖ്യാനത്തിലുടനീളം ഭയം വിതറാൻ സിനിമയ്ക്ക് സാധിക്കുന്നില്ലെങ്കിലും സിനിമയുടെ അവസാനമടുക്കുമ്പോൾ അത് നമ്മെ ഭയപ്പെടുത്തുന്നുമുണ്ട്. ഭയപ്പെടുത്തുന്ന ഇരുണ്ട നിഴൽ രൂപങ്ങൾ നമ്മൾ മുമ്പ് കൂടുതൽ കണ്ടിട്ടില്ലാത്ത കാര്യങ്ങളാണ്. കഥയിലെ പല കാര്യങ്ങളും അപൂർണ്ണവും കാലഹരണപ്പെട്ടതും ക്ലീഷേകൾ കൊണ്ട് പൂരിതവുമാണ്. ഇതെല്ലാം ഹൊറർ സിനിമകളുടെ പ്രധാന ഘടകങ്ങളാണ് എന്നതിനാൽ തൽക്കാലം ഇത്തരം നെഗറ്റീവുകളെ കണ്ടില്ല എന്ന് നടിക്കാം . പ്രധാന അഭിനേതാക്കളായ രേവതിയുടെയും ഷെയ്ൻ നിഗത്തിന്റെയും പ്രകടനമാണ് സിനിമയിൽ ഏറ്റവും മികച്ച് നിന്നത്. സൈജു കുറുപ്പും വത്സലാ മേനോനും അഭിനയിച്ച മറ്റ് എല്ലാ അഭിനേതാക്കളും നല്ല പ്രകടനമാണ് കാഴ്ച വെച്ചത്. സിനിമയുടെ പശ്ചാത്തല സംഗീതം നിർവ്വഹിച്ച ഗോപീ സുന്ദറും കയ്യടി അർഹിക്കുന്നു.
ദുരിതത്തിലായ ഈ കുടുംബത്തിൻ്റെ കാര്യങ്ങൾ എങ്ങനെ മാറുമെന്ന് കാണാൻ സിനിമയുടെ അവസാന നിമിഷം വരെ നമ്മുടെ കണ്ണുകൾ വശീകരിക്കപ്പെടുന്നുണ്ട് . ചുറ്റുപാടുമുള്ള സംഭവങ്ങളേക്കാൾ, കഥാപാത്രങ്ങളുടെ ശക്തമായ ആവിഷ്‌കാരങ്ങളാണ് പാരാനോമൽ കഥയുടെ പേടിസ്വപ്നം ഉളവാക്കുന്ന ഫലങ്ങൾ പ്രേക്ഷകർക്ക് നൽകുന്നത്. വിഷാദരോഗികളായ, വീട്ടിലെ നിവാസികൾ തങ്ങൾക്ക് ചുറ്റും കാണുന്നതും അനുഭവിക്കുന്നതുമായ കാര്യങ്ങൾ ഭ്രമമാണോ എന്ന് തീരുമാനിക്കുന്നതിന് ഒരു പരിധി വരെ പ്രേക്ഷകന് സ്വാതന്ത്ര്യം നൽകുന്നുണ്ട്.

വിവരണാതീതമായ ശബ്‌ദങ്ങളിലൂടെ തണുത്തുറയുന്ന കഥകളുടെ ഭയാനകത ഉൾക്കൊള്ളാനും അങ്ങനെ സൃഷ്‌ടിക്കപ്പെട്ട പേടി ആസ്വദിക്കാനും ഇഷ്ടപ്പെടുന്നവർക്ക് ഈ സിനിമ പരീക്ഷിക്കാവുന്നതാണ്.

                                                                                                            തയ്യാറാക്കിയത്: രാഗേഷ് അഥീന