പയ്യോളി: ഭാരതീയ ദളിത് കോൺഗ്രസ് പയ്യോളി മണ്ഡലം പ്രസിഡന്റായി സജീവൻ കുന്നുംപുറത്ത് ചുമതല ഏറ്റെടുത്തു. ഭാരതീയ ദളിത് കോൺഗ്രസ് കോഴിക്കോട് ജില്ലാ പ്രസിഡന്റ് ഇ കെ ശീതൾ രാജ് ഉദ്ഘാടനം ചെയ്തു.
ബ്ലോക്ക് ദളിത് കോൺഗ്രസ് പ്രസിഡന്റ് എൻ ടി ശ്രീജിത്ത് അധ്യക്ഷത വഹിച്ചു. പയ്യോളി ബ്ലോക്ക് കോൺഗ്രസ് പ്രസിഡന്റ് കെ ടി വിനോദൻ മുഖ്യപ്രഭാഷണം നടത്തി. മുതിർന്ന നേതാവ് കെ പി കണ്ണനെ ആദരിച്ചു. ഏഴാം വയസ്സിൽ കരാത്തെയിൽ ബ്ലാക്ക് ബെൽറ്റ് നേടിയ പ്രപഞ്ച് ശങ്കറിനെ അനുമോദിച്ചു.
പുത്തൂക്കാട് രാമകൃഷ്ണൻ, ഇ ടി പത്മനാഭൻ, മുജേഷ് ശാസ്ത്രി, സദാനന്ദൻ തൊടുവയൽ, എൻ എം മനോജ്, ഇ സൂരജ്, കെ വി സതീശൻ, എം ടി രഞ്ജിത്ത് ലാൽ, സി എൻ ബാലകൃഷ്ണൻ, പ്രജീഷ് മേപ്രംകുറ്റിയിൽ, അഫ്സൽ ഹമീദ്, ഉഷ ബാബു പ്രസംഗിച്ചു.കെ വി കിഷോർ കുമാർ സ്വാഗതവും ശശി കുന്നുംപുറത്ത് നന്ദിയും പറഞ്ഞു.
Discussion about this post