കൊച്ചി: ദിലീപിനെതിരെ പരാതി നൽകിയ സംവിധായകന്‍ ബാലചന്ദ്രകുമാറിനെതിരെ പീഡന പരാതി നല്കിയ യുവതിയുടെ മൊഴി പൊലീസ് ഇന്നും രേഖപ്പെടുത്തി. കോടതിയില്‍ നല്കിയ രഹസ്യമൊഴിയില്‍ കൂടുതല്‍ വ്യക്തത വരുത്തുന്നതിനാണ് പൊലീസ് യുവതിയുടെ മൊഴിയെടുത്തത്. ഇന്നലെ യുവതിയുടെ പ്രാഥമിക മൊഴി പൊലീസ് രേഖപ്പെടുത്തിയിരുന്നു.
കോടതിയില്‍ രഹസ്യമൊഴി നല്കിയ യുവതിയില്‍ നിന്ന് കൂടുതല്‍ കാര്യങ്ങളില്‍ വ്യക്തത വരുത്തുന്നതിനാണ് ഇന്നും മൊഴി എടുത്തത്. തിരുവനന്തപുരം ഹൈ ടെക് സെല്‍ അഡിഷണല്‍ എസ് പിക്കാണ് കേസിന്‍റെ അന്വേഷണ ചുമതല. കേസില്‍ തുടര്‍ നടപടികളുമായി പൊലീസ് മുന്നോട്ട് പോകും. പത്ത് കൊല്ലം മുമ്പ് കൊച്ചിയില്‍ വെച്ച് ബാലചന്ദ്രകുമാര്‍ പീഡിപ്പിച്ചെന്നാണ് പരാതി.
പീഡനദൃശ്യങ്ങള്‍ മൊബൈല്‍ ഫോണില്‍ പകര്‍ത്തി. ഈ ദൃശ്യങ്ങള്‍ പുറത്ത് വിടുമെന്ന് ഭീഷണിപ്പെടുത്തിയതിനെ തുടര്‍ന്നാണ് ഇത് വരെ പരാതി നല്‍കാതിരുന്നതെന്ന് യുവതി പറയുന്നു. ഇപ്പോള്‍ നടിയുടെ നീതിക്ക് വേണ്ടി ബാലചന്ദ്രകുമാര്‍ രംഗത്ത് വന്നത് കണ്ടപ്പോഴാണ് ദുരനുഭവം തുറന്നുപറയാന്‍ തയ്യാറായതെന്നാണ് യുവതി പറയുന്നത്.
Discussion about this post