മലമ്പുഴ: ചെറാട് മലയിടുക്കിൽ കുടുങ്ങിയ ബാബുവിനെ പുറത്തെത്തിക്കാന് സംസ്ഥാന ഖജനാവില് നിന്ന് മുക്കാല് കോടിയോളം ചെലവാക്കേണ്ടിവന്നു. സംസ്ഥാന ദുരന്ത നിവാരണ അഥോറിറ്റിയുടെതാണ് രക്ഷാപ്രവർത്തനവുമായി ബന്ധപ്പെട്ട പ്രാഥമിക കണക്ക്. കോസ്റ്റ് ഗാര്ഡ് ഹെലികോപ്റ്റര്, വ്യോമസേനാ ഹെലികോപ്റ്റര്, കരസേനാ , മറ്റ് രക്ഷാപ്രവര്ത്തകര് എന്നിവര്ക്ക് മാത്രം നല്കിയത് അരക്കോടി രൂപ. ബില്ലുകള് ഇനിയും കിട്ടാനുള്ളതിനാൽ തുക ഇനിയും കൂടാനാണ് സാധ്യതയുണ്ട്.
ബാബു കുടുങ്ങിയത് മുതല് രക്ഷാ പ്രവര്ത്തനത്തിനായി പ്രാദേശിക സംവിധാനങ്ങള് മുതല് ഏറ്റവും ഒടുവില് കരസേനയുടെ രക്ഷാ ദൗത്യ സംഘത്തെ വരെ എത്തിച്ചു. ദുരന്ത നിവാരണ അതോറിറ്റി, കോസ്റ്റ് ഗാര്ഡ്, കരസേന എന്നിവരുടെ സേവനം തേടി. എന്ഡിആര്എഫും രക്ഷാ ദൗത്യത്തിന് മുന്നിലുണ്ടായിരുന്നു. പിന്നാലെയെത്തിയ കോസ്റ്റ് ഗാര്ഡ് ഹെലികോപ്റ്ററിന് 2 ലക്ഷം രൂപയായിരുന്നു മണിക്കൂറിന് ചെലവ്. വ്യോമസേനാ ഹെലികോപ്റ്ററിനും 2 ലക്ഷം കടന്നു മണിക്കൂര് ചെലവ്.
കരസേനയുടെതുള്പ്പടെയുള്ള ദൗത്യ സംഘങ്ങള്ക്ക് ചെലവ് 15 ലക്ഷത്തിലേറെ. എന്ഡിആര്എഫ്, ലോക്കല് ഗതാഗത സൗകര്യങ്ങള്, മറ്റ് അനുബന്ധ ചെലവ് ഉള്പ്പടെ 30 ലക്ഷത്തിലേറെ ചെവലായിട്ടുണ്ടെന്നാണ് കണക്കാക്കപ്പെടുന്നത്. ചെലവായിട്ടുള്ള ബില്ല് പൂര്ണ്ണമായി ലഭിക്കാന് രണ്ടു ദിവസമെടുക്കുമെന്നാണ് ജില്ലാ ഭരണകൂടം അറിയിച്ചത്.
Discussion about this post