സിഡ്നി: ഓസ്‌ട്രേലിയന്‍ മുന്‍ ക്രിക്കറ്റ് താരം റോഡ്നി മാര്‍ഷ്(74) അന്തരിച്ചു. ഹൃദയാഘാതത്തെ തുടര്‍ന്ന് ചികിത്സയിലിരിക്കവേയാണ് അന്ത്യം. സ്‌പോര്‍ട് ഓസ്‌ട്രേലിയ ഹാള്‍ ഓഫ് ഫെയിം ആണ് മരണം സ്ഥിരീകരിച്ചത്.
ക്വീന്‍സ് ലന്‍ഡിലെ ബുണ്ടബെര്‍ഗില്‍ ഒരു ചാരിറ്റി പ്രവര്‍ത്തനത്തിന് എത്തിയപ്പോഴാണ് നെഞ്ച് വേദന അനുഭവപ്പെട്ടത്. ഉടന്‍തന്നെ അദ്ദേഹത്തെ ആശുപത്രിയില്‍ പ്രവേശിപ്പിച്ചിരുന്നു. ഗുരുതരാവസ്ഥയില്‍ ദിവസങ്ങളോളം ആശുപത്രിയില്‍ തുടര്‍ന്നതിന് ശേഷമാണ് മരണത്തിന് കീഴടങ്ങിയത്.
1970 മുതല്‍ 1984 വരെ ഓസ്‌ട്രേലിയന്‍ ക്രിക്കറ്റിലെ സജീവ സാന്നിധ്യമായിരുന്നു. ഓസ്‌ട്രേലിയയ്ക്കായി 96 ടെസ്റ്റുകളില്‍ കളിച്ചിട്ടുണ്ട്. 96 ടെസ്റ്റുകള്‍ കളിച്ച അദ്ദേഹം വിക്കറ്റിന് പിന്നില്‍ 355 പേരായണ് പുറത്താക്കിയത്. വെസ്‌റ്റേണ്‍ ഓസ്‌ട്രേലിയക്കായി 97 ഫസ്റ്റ് ക്ലാസ് മത്സരങ്ങളും അദ്ദേഹം കളിച്ചു.
Discussion about this post