അത്തോളിയിലെ വെള്ളക്കുഴിയിൽ വീണ പോത്തിനെ രക്ഷിച്ചു

കൊയിലാണ്ടി: അത്തോളിയിലെ വെള്ളക്കുഴിയിൽ വീണ പോത്തിനെ അഗ്നി രക്ഷാ സേനയെത്തി രക്ഷപ്പെടുത്തി. ശനിയാഴ്ച വൈകുന്നേരം 5മണിയോടെ അത്തോളി അത്താണി വയലിലെ കുഴിയിൽ വീണ പോത്തിനെയാണ് രക്ഷപ്പെടുത്തിയത്. വിവരം അറിയിച്ചതിനെ തുടർന്ന് കൊയിലാണ്ടിയിൽ നിന്നും അഗ്നിരക്ഷാസേനയെത്തി ഹോസ് ഉപയോഗിച്ച് കരക്കെത്തിച്ചു. സീനിയർ ഫയർ ആൻ്റ് റെസ്ക്യൂ ഓഫീസർ റഫീഖ് കാവിലിന്റെ നേതൃത്വത്തിൽ ഓഫീസർമാരായ സിധീഷ്, കെ ഇർഷാദ്, അഖിൽ, പി വി മനോജ്, ഹോംഗാർഡ്‌ സത്യൻ, ഓംപ്രകാശ് എന്നിവർ രക്ഷാപ്രവർത്തനത്തിൽ ഏർപ്പെട്ടു.